📜 Poesie in Dialettu Santupithraru
Scopri la bellezza della tradizione poetica salentina.
💡 Suggerimento: Cliccando su una parola della poesia, puoi effettuare la ricerca direttamente nel vocabolario del Dialetto Sampietrano.
💡 Suggerimento: Cliccando su una parola della poesia, puoi effettuare la ricerca direttamente nel vocabolario del Dialetto Sampietrano.
Le matine ca nu te scerri.
La prima sveglia la sunavanu lì cedrri, tra mite e passaricchi cuminci te stindicchi, poi lu cautu ntra la machina te lu ghiasciune te spanteddra e pari propriu na cuzzeddra, scindi uardi ancelu e riti e l'uecchiu fuce all'arvilu te fiche,mangi cu do garze ca quasi nnutichi culle fiche e le friseddre nu te nde iessenu punteddre Liberi e felici piccinni ieri, osce quasi vecchi,culli uai ma cu dri ricordi ntra li pinzieri e dra felicità ca na rrimasta intra all'uecchi!!!!
👤 Autore: Ugo Lops | 📅 2024-09-28 22:41:50
Voti: 👍 13 | 👎 0
Lu dialettu santupithraru
Lu dialettu santupithraru nuesciu ete musica ntica
Ca ntra li cuori bussa comu n'amica
Le parole te li nonni e te le madri
ne parlanu de li tiempi chiù cauti
Alli giovani vae consegnatu
comu nù donu preziosu e amatu
Cussì lu passatu nu se nde vae
ma vive conu nè lu tae
Percè ogni frase, ogni suonu
nci ricorda te ddu vinimu
E lu futuru sará chìù veru
ci ntrà lu dialettu chiamu lu sentieru
Ca ntra li cuori bussa comu n'amica
Le parole te li nonni e te le madri
ne parlanu de li tiempi chiù cauti
Alli giovani vae consegnatu
comu nù donu preziosu e amatu
Cussì lu passatu nu se nde vae
ma vive conu nè lu tae
Percè ogni frase, ogni suonu
nci ricorda te ddu vinimu
E lu futuru sará chìù veru
ci ntrà lu dialettu chiamu lu sentieru
👤 Autore: Pierluigi Covelli | 📅 2024-09-28 17:44:48
Voti: 👍 20 | 👎 0
Vindimare
Te stu periodu tantu tempo arretu
Te vinu e de mustu profumava Santu Pietru
Lu santipitraru se nde turnava
Te la rotonda e de campu Te mare
Pe' scire a vindimare.
La fimmina pronta alle cinque Te la matina
Forbice e sicchiu a manu
N' anti casa te lu patrunu
Passava Lu camiu e le caricava,
Ci putia pure Lu figghiu se portava
Cussi la sciurnata Te bucca e carica Se buscava
Ci scia a Lieuli a Cantamessa
Vindimare era na festa
Se ritia se scherzava
Intra le filare na' canzune popolare sempre echeggiava
Ma soprattuttu se fatiava
E ci n' acinu an terra Te la rappa Catia
Comu na preziosa perla, se cugghia
Quandu l' urtima Tina era china
Lu fattore scia rittu rittu alla cantina
Tra le strate te Santu Pietru
Nu profumu na dore
Ca te mbriacava Lu core
Mustu biancu, russu malvasia
La ndore ntra le case trasia
Mo.le cose su cangiate
Lu santupitraru pe' campare
Alla postu te lu cippune a misu lu pannellu solare
Ma tinimu chiusa e cilususa ntra lu core
Te lu mustu la ndore
Te lu vinu lu sapore
Te vinu e de mustu profumava Santu Pietru
Lu santipitraru se nde turnava
Te la rotonda e de campu Te mare
Pe' scire a vindimare.
La fimmina pronta alle cinque Te la matina
Forbice e sicchiu a manu
N' anti casa te lu patrunu
Passava Lu camiu e le caricava,
Ci putia pure Lu figghiu se portava
Cussi la sciurnata Te bucca e carica Se buscava
Ci scia a Lieuli a Cantamessa
Vindimare era na festa
Se ritia se scherzava
Intra le filare na' canzune popolare sempre echeggiava
Ma soprattuttu se fatiava
E ci n' acinu an terra Te la rappa Catia
Comu na preziosa perla, se cugghia
Quandu l' urtima Tina era china
Lu fattore scia rittu rittu alla cantina
Tra le strate te Santu Pietru
Nu profumu na dore
Ca te mbriacava Lu core
Mustu biancu, russu malvasia
La ndore ntra le case trasia
Mo.le cose su cangiate
Lu santupitraru pe' campare
Alla postu te lu cippune a misu lu pannellu solare
Ma tinimu chiusa e cilususa ntra lu core
Te lu mustu la ndore
Te lu vinu lu sapore
👤 Autore: Stefania Leone | 📅 2024-09-28 12:05:52
Voti: 👍 13 | 👎 0
EH MA'!
Eh mà! Me ricordu ncora dhru giurnu malitettu
pare foi ieri, e puru su tant’anni;
chiangivi a sthrazzacore, minata ‘nthr’ allu liettu.
Me ricordu, nui piccinni, nci sthringivi forte
E dhru giurnu l’amore nuesciu
sfitau lu mundu interu, sfitau puru la sorte.
Io chiangia, capia ca la vita cchiui nu bera rosa;
tie me me mbrazzavi e dicivi, sforzandu la ucca a risu
“ nu chiangere, n’cè la mamma, pensa a na bella cosa”.
Eh mà, moi ulia tè mbrazzu, ulia cu stai cu mie
E strtingendute ulia te ticu ca thruai “la bella cosa”.
E sai ce bbete? Cu pensu sempre a tie.
F. Giordano
pare foi ieri, e puru su tant’anni;
chiangivi a sthrazzacore, minata ‘nthr’ allu liettu.
Me ricordu, nui piccinni, nci sthringivi forte
E dhru giurnu l’amore nuesciu
sfitau lu mundu interu, sfitau puru la sorte.
Io chiangia, capia ca la vita cchiui nu bera rosa;
tie me me mbrazzavi e dicivi, sforzandu la ucca a risu
“ nu chiangere, n’cè la mamma, pensa a na bella cosa”.
Eh mà, moi ulia tè mbrazzu, ulia cu stai cu mie
E strtingendute ulia te ticu ca thruai “la bella cosa”.
E sai ce bbete? Cu pensu sempre a tie.
F. Giordano
👤 Autore: Francesco Giordano | 📅 2024-09-28 10:57:35
Voti: 👍 10 | 👎 1
LU LAMIENTU TE ‘N’ARVILU TE ULIA
Nu te pinsare
ca iou suntu cchiui l’arvilu te ‘na fiata,
te quiddhri ca li furesi chiantanu ‘nthra llu fiéu
cu li paritieddhri ausati nturnu nturnu,
a ddu ‘nthra pethre e scrasce
‘nc’era cu timi le sacare.
None, figghiu,
la campagna mia l’annu cangiata tutta:
“Centhru-ri-si-tin-ziale” l’ànnu chiamata moi,
e a ci nci abita ete la nublessa,
gente ca nun bole cchiui
cu ni parli alla manera noscia,
percè, me ticenu, ca lu dialettu
ete cosa ca sape te villanu.
Gente sthruita suntu….
E none ca sapenu sulu l’italianu…,
mo’ canuscenu puru
lu parlare te tutte le lingue te lu mundu,
senza cuntare
la lngua ‘ncora cchiù saputa
te li sthréusi.
Iou stessu, figghiu miu,
‘n’arvilu signuru mo’ me sentu.
Me ticenu ca “fazzu onore alla mia razza”,
percene, comu li vecchi signuri te na fiata,
tegnu lu sangu blu inthra ‘lle vine.
E bbé veru, figghiu miu, è la stessa cosa:
ca a quiddhri lu sangu
na ddivintatu niuru
percene vivenu ncafurchuati,
te n’annu all’authru chiusi ‘nthra palazzi;
a mie s’à fattu niuru
pe li parìti ca m’ànu ausati ‘nturnu,
parìti vàuti, fenc’alle stiddhre te lu cielu;
pariti ca m’ànu fattu scerrare
lu sule, lu ientu e puru la ddòre te la terra.
F.G.
31.03.2018
ca iou suntu cchiui l’arvilu te ‘na fiata,
te quiddhri ca li furesi chiantanu ‘nthra llu fiéu
cu li paritieddhri ausati nturnu nturnu,
a ddu ‘nthra pethre e scrasce
‘nc’era cu timi le sacare.
None, figghiu,
la campagna mia l’annu cangiata tutta:
“Centhru-ri-si-tin-ziale” l’ànnu chiamata moi,
e a ci nci abita ete la nublessa,
gente ca nun bole cchiui
cu ni parli alla manera noscia,
percè, me ticenu, ca lu dialettu
ete cosa ca sape te villanu.
Gente sthruita suntu….
E none ca sapenu sulu l’italianu…,
mo’ canuscenu puru
lu parlare te tutte le lingue te lu mundu,
senza cuntare
la lngua ‘ncora cchiù saputa
te li sthréusi.
Iou stessu, figghiu miu,
‘n’arvilu signuru mo’ me sentu.
Me ticenu ca “fazzu onore alla mia razza”,
percene, comu li vecchi signuri te na fiata,
tegnu lu sangu blu inthra ‘lle vine.
E bbé veru, figghiu miu, è la stessa cosa:
ca a quiddhri lu sangu
na ddivintatu niuru
percene vivenu ncafurchuati,
te n’annu all’authru chiusi ‘nthra palazzi;
a mie s’à fattu niuru
pe li parìti ca m’ànu ausati ‘nturnu,
parìti vàuti, fenc’alle stiddhre te lu cielu;
pariti ca m’ànu fattu scerrare
lu sule, lu ientu e puru la ddòre te la terra.
F.G.
31.03.2018
👤 Autore: Francesco Giordano | 📅 2024-09-28 10:50:18
Voti: 👍 12 | 👎 0
LA MAMMA
La mamma è n’authra cosa: lu cirvieddhru,
lu piernu te la casa, lu fiatu, l’armunia;
è quiddhra ca cumanda l’intera cumpagnia;
stai an capu te lu capu te casa: è nu cappieddhru.
An turnu tene sempre capannieddhru,
bbata a mille cose, è comu Maria;
e ci nu se ferma pe ‘na malatia
stai sempre tisa, l’urtimu natu an queddhru.
A ci ‘nu puntu, a ci ‘na facce storta,
a ci ‘nu vasu, a ci ‘n’avvertimentu.
E se capisce la mamma quandu ha morta,
quandu nu nc’ete cchiui sta ruzzuluna:
ca pare ca te ‘ccite ognu mumentu
e dopu ‘nu minutu te pirduna.
lu piernu te la casa, lu fiatu, l’armunia;
è quiddhra ca cumanda l’intera cumpagnia;
stai an capu te lu capu te casa: è nu cappieddhru.
An turnu tene sempre capannieddhru,
bbata a mille cose, è comu Maria;
e ci nu se ferma pe ‘na malatia
stai sempre tisa, l’urtimu natu an queddhru.
A ci ‘nu puntu, a ci ‘na facce storta,
a ci ‘nu vasu, a ci ‘n’avvertimentu.
E se capisce la mamma quandu ha morta,
quandu nu nc’ete cchiui sta ruzzuluna:
ca pare ca te ‘ccite ognu mumentu
e dopu ‘nu minutu te pirduna.
👤 Autore: Francesco Giordano | 📅 2024-09-28 10:47:24
Voti: 👍 16 | 👎 1
LI SUTURI TE LU TATA
Lu sule stai a punente e sta scurisce,
se sente, rraucàta na cicala…..
nu cane lupu sta rusce e ‘nnamarìsce
inthra ‘nu nitu se sente ‘nu stindicchiu t’ala.
Se ddìscita ‘nu riddhru chiangi-chiangi,
cu lu cri-cri te pizzica lu core,
‘na scialineddhra sta scioca ’nthra l’aranci
…se perdenu le finite ‘ntra stu fore.
Iou sittatu an terra, ncoste a ‘na scala,
‘nu libbru chiusu a manu, su studente;
lu tata tira l’acqua cu se llava,
ni scappa ‘nu surrisu cumpiacente.
Uè tà – ticu ‘ntra mie –, cu le fatie
Te ddhre razze ca zappanu stu fore,
tie tiri l’acqua ca serve sulu a mie
e l’acqua è toa, è fatta te sutore.
Iou mo’, me passa ‘nu pinsieri:
Ma ci nu nc’eri tie cu ddhru gran core
Iou putia fare sulu ‘nu mistieri,
te lu furese….., e tie me uei dottore.
Uè tà, stasira nu te llavare
Si beddhru puru quandu vai mmucatu,
mbrazzate a mie, t’aggiu ringraziare
pe tuttu quiddhru ca m’à sempre datu.
Liberamente da me adattata, da un'idea di G.Diviesto
F.Giordano
se sente, rraucàta na cicala…..
nu cane lupu sta rusce e ‘nnamarìsce
inthra ‘nu nitu se sente ‘nu stindicchiu t’ala.
Se ddìscita ‘nu riddhru chiangi-chiangi,
cu lu cri-cri te pizzica lu core,
‘na scialineddhra sta scioca ’nthra l’aranci
…se perdenu le finite ‘ntra stu fore.
Iou sittatu an terra, ncoste a ‘na scala,
‘nu libbru chiusu a manu, su studente;
lu tata tira l’acqua cu se llava,
ni scappa ‘nu surrisu cumpiacente.
Uè tà – ticu ‘ntra mie –, cu le fatie
Te ddhre razze ca zappanu stu fore,
tie tiri l’acqua ca serve sulu a mie
e l’acqua è toa, è fatta te sutore.
Iou mo’, me passa ‘nu pinsieri:
Ma ci nu nc’eri tie cu ddhru gran core
Iou putia fare sulu ‘nu mistieri,
te lu furese….., e tie me uei dottore.
Uè tà, stasira nu te llavare
Si beddhru puru quandu vai mmucatu,
mbrazzate a mie, t’aggiu ringraziare
pe tuttu quiddhru ca m’à sempre datu.
Liberamente da me adattata, da un'idea di G.Diviesto
F.Giordano
👤 Autore: Francesco Giordano | 📅 2024-09-28 10:43:32
Voti: 👍 18 | 👎 2
LU FAUGNU
Cè sulagna! Face nu cautu ca te suture
‘Na cariola ‘nterra ‘nde sta sculu,
la sira, la matina, a tutte l’ure,
stu faugnu me vai propiu ntra lu culu.
Eh drhu Signore!!! N’alitu te ientu nu putia
sulu pe nu mumentu fare sare,
cu me pozzu all’umbra te stà ulia
sulamente ddo minuti ddifriscare!?
Ma l ‘nviernu, quando rria, già me sentu,
ca ticu: “face ntustare ste povere osse;
stu friddu, cchiui te lu cautu, è ‘nu turmientu”!
La verità, sta pensu, è sulamente quista:
simu viziati, facimu mute mosse!
Te conseguenza, mancu lu tiepitu stai ‘nlista.
Francesco Giordano
‘Na cariola ‘nterra ‘nde sta sculu,
la sira, la matina, a tutte l’ure,
stu faugnu me vai propiu ntra lu culu.
Eh drhu Signore!!! N’alitu te ientu nu putia
sulu pe nu mumentu fare sare,
cu me pozzu all’umbra te stà ulia
sulamente ddo minuti ddifriscare!?
Ma l ‘nviernu, quando rria, già me sentu,
ca ticu: “face ntustare ste povere osse;
stu friddu, cchiui te lu cautu, è ‘nu turmientu”!
La verità, sta pensu, è sulamente quista:
simu viziati, facimu mute mosse!
Te conseguenza, mancu lu tiepitu stai ‘nlista.
Francesco Giordano
👤 Autore: Francesco Giordano | 📅 2024-09-28 10:25:43
Voti: 👍 23 | 👎 1
12
💝 Sostieni le Poesie in Dialetto
Le poesie in dialetto sampietrano sono un tesoro culturale da preservare. Se apprezzi questa raccolta di tradizioni poetiche salentine, considera una piccola donazione.
💳 Dona con PayPal 💳
© 2026 Le Poesie in Dialettu Santupithraru - Tradizione Poetica Salentina